Na Partyzanskim praśpiekcie aŭtakran urezaŭsia ŭ mašynu, u jakoj było troje dziaciej
U stalicy aŭtakran «MAZ» urezaŭsia ŭ lehkavy aŭtamabil marki Lada, u jakim znachodzilisia troje dziaciej, paviedamlaje DAI.
50-hadovy kiroŭca «MAZa» jechaŭ z boku Biechcierava ŭ napramku Žyłunoviča. U vyniku niapravilna abranaj dystancyi aŭtakran urezaŭsia ŭ Lada, jakaja spyniłasia na čyrvony sihnał śviatłafora.
U momant sutyknieńnia ŭ lehkavušcy ŭ śpiecyjalnych kresłach znachodziłasia troje dziaciej. Pavodle papiaredniaj infarmacyi, jany nie paciarpieli, adnak dla praviadzieńnia miedycynskaha ahladu dziaciej dastavili va ŭstanovu achovy zdaroŭja.