U Lidzie 13-hadovy padletak kataŭ siabroŭ na aŭtamabili mamy. A potym ślozna prasiŭ DAI nie kazać baćkam
Zdareńnie adbyłosia na minułym tydni, paviedamlaje Lidskaja hazieta.
Kala 18:00 ŭ dziažurnuju častku RAUS patelefanavaŭ vidavočca i paviedamiŭ, što ŭ dvary doma pa vuł. Kaapieratyŭnaj na aŭtamabili jeździać dzieci, uzrostam kala 12 hadoŭ, a adnamu z prachožych ledź nie najechali na nahu.
Na miesca zdareńnia vyjechaŭ narad DPS. U dvary šmatpaviarchovika dziaciej u aŭtamabili ŭžo nie było. Ale milicyja vyśvietliła imia ŭładalnika: im značyłasia niejkaja žančyna. Na telefanavańnie na mabilny adkazaŭ padletak. Jon skazaŭ, što mama na baćkoŭskim schodzie, a tata ŭ rejsie. A jašče pryznaŭsia, što heta jon jeździŭ na mašynie baćkoŭ, i pakul aŭtainśpiektary afarmlali pratakoł, ślozna prasiŭ ich nie raskazvać baćkam. Kazaŭ, što nikoli bolš tak nie budzie.
Sprava pieradadzienaja ŭ inśpiekcyju pa spravach niepaŭnaletnich.