Navukoŭcy vynajšli vadkaść dla adnaŭleńnia zubnoj emali
Zubnaja emal — samaje ćviordaje rečyva ŭ arhaniźmie čałavieka, i jano niezamiennaje. Va ŭsim śviecie miljardy ludziej pakutujuć ad razbureńnia zuboŭ, vyklikanaha strataj zubnoj emali, ale novyja daśledavańni dajuć nadzieju vyrašyć hetuju hłabalnuju prablemu, piša Science Alert.
Navukoŭcy ŭ Kitai raspracavali vadki rastvor, jaki moža efiektyŭna adhadavać vonkavuju pavierchniu paškodžanaj zubnoj emali, vykarystoŭvajučy materyjał, jaki imituje naturalny praces minieralizacyi achoŭnaha płasta našych zuboŭ.
Zubnaja emal utvarajecca ŭ pracesie bijaminieralizacyi, pry jakim kletki vyłučajuć białki, jakija ŭ rešcie rešt ćviardziejuć.
Prablema ŭ tym, što hetyja kletki prysutničajuć tolki padčas raźvićcia zuboŭ. Našy sfarmavanyja zuby praktyčna nie majuć naturalnaj zdolnaści adnaŭlacca.
Paviedamlajecca, što z dapamohaj sintezu čaścic fasfatu kalcyju, dyjamietram usiaho 1,5 nm, daśledčyki ŭ łabaratornych umovach upieršyniu vyhadavali 2,8 mkm emali za 48 hadzin.
Navukoŭcy nanosili vadki hielevy materyjał na zub, jaki achviaravaŭ dla daśledavańniaŭ adzin z pacyjentaŭ. U vyniku na im utvaryłasia ćviordaja kryštaličnaja plonka, identyčnaja naturalnaj zubnoj emali.
Ciapier navukoŭcam treba pravieści sieryju ekśpierymientaŭ, kab paćvierdzić biaśpieku svajho materyjału.