Ideołah Kryčava: Z haradskoha aŭtobusa źniali i ściah Rasii, i ściah «DNR»
Čytač «Našaj Nivy» ź nikam «Roŭnieńki» dasłaŭ u Redakcyju fota haradskoha aŭtobusa ŭ Kryčavie. Da jaho łabavoha škła prymacavanyja ściahi Rasii i «DNR».
Jak takoje moža być u Biełarusi?
U aŭtaparku horada ciapier niama dyrektara, a vykanaŭca abaviazkaŭ amal nie byvaje na pracoŭnym miescy.
Tamu situacyju «Našaj Nivie» prakamientavała namieśnica staršyni Kryčaŭskaha vykankama Iryna Jeŭdakimienka, jakaja, siarod inšaha, adkazvaje za ideałohiju.
«My bačyli heta ŭ internecie i ŭčora pryjechali tudy razabracca, ale toj aŭtobus ciapier na ramoncie. Ja nie viedaju tamu, kali hetaje fota zroblena, — skazała Jeŭdakimienka. — Ale tam užo ničoha nie było, kali my pryjechali. Usio źniali, vidać. Jak heta tak apynułasia… Čałaviek, jaki kiruje mašynaj, skazaŭ, što kiepskich dumak nibyta ŭ jaho nie było. Nu my pahavaryli, ściahoŭ tam bolš niama».