Baćki navučencaŭ škoły №42 Mahilova: Nas prymušajuć zdavać hrošy na haziety. Škoła: My ŭ šoku
Baćki vučniaŭ 6-ha kłasa škoły №42 Mahilova paskardzilisia ŭ redakcyju mogilev.online, što ŭ škole arhanizavany zbor pa 45 rubloŭ z kłasa na rehijanalnyja haziety.
«…Nakipieła. Čas užo na hazietach «Mahiloŭskija viedamaści», «Vieśnik Mahilova» i inšych drukavać «Vydadziena i nadrukavana dziakujučy baćkam i rabotnikam dziaržaŭnych pradpryjemstvaŭ. Čarhovaje paviedamleńnie ŭ vajbiery ad kłasnaj zabiła: zdać na hazietu z kłasa 45 rublej. Chopić u prymusovym paradku prymušać na jaje padpisvacca! Kali jaje nie kuplajuć, tak pierastańcie łuchtu vydavać! Navošta jana patrebna dzieciam? Dy vy lepš hetych 45 rubloŭ za padpisku skažycie baćkam pakłaści na rachunak dziciačaha doma — im bolš patrebna, ale nie vykinuć na viecier hrošy, usio adno hazieta pojdzie na padpałku kamu-niebudź, ci na makułaturu škole».
Mogilev.online atrymała kamientar ad Hanny Cichanavaj, namieśnika dyrektara pa vychavaŭčaj rabocie vučebna-piedahahičnaha kompleksu dziciačy sad — siaredniaja škoła №42 Mahilova.
— My ŭ šoku ad hetaj situacyi. U našaj škole haziety dla siabie vypisvajuć piedahohi, za svoj košt i nijak nie za košt baćkoŭ. Nijakich zboraŭ hrošaj na haziety, ni ŭ jakich kłasach našaj škoły ŭ nas niama.