Navukoŭcy: Radyjacyja pry palocie da Marsa adbiare ŭ kasmanaŭta 2,5 hoda žyćcia
Dvuchhadovy palot na Mars adbiare ŭ kožnaha člena ekipaža pa 2,5 hoda žyćcia z-za radyjacyjnaha ŭździejańnia pry takim palocie, havorycca ŭ tezisach dakładaŭ kanfierencyi «Avijakaśmičnaja i ekałahičnaja miedycyna», što prachodzić u Maskvie, paviedamlaje «RIA Novosti».
«Praviedzieny raźliki sumarnaj radyjacyjnaj ryzyki na praciahu ŭsiaho žyćcia kasmanaŭtaŭ paśla praciahłych, da 3-ch hadoŭ, palotaŭ da Marsa ŭ pieryjad maksimumu soniečnaj aktyŭnaści z roznaj taŭščynioj achovy radyjacyjnaha schovišča z aluminiju. <…> Dla 2-hadovaj praciahłaści palotu ekśpiedycyi da Marsa i nazad sumarnaja radyjacyjnaja ryzyka na praciahu žyćcia kasmanaŭtaŭ niezaležna ad uzrostu za achovaj radyjacyjnaha schovišča 20 h/sm2 składzie 7,5 pracenta, a skaračeńnie siaredniaj praciahłaści žyćcia — 2,5 hoda», — havorycca ŭ dakumiencie.