Žurnalista CNN pazbavili akredytacyi ŭ Biełym domie. Prezidencki puł zastupiŭsia za karespandenta
Karespandent telekanała CNN Džym Akosta pazbaviŭsia akredytacyi ŭ Biełym domie. Heta adbyłosia nieŭzabavie paśla pres-kanfierencyi ŭ Vašynhtonie, na jakoj prezident Tramp pasvaryŭsia z žurnalistam, piša New York Times.
Akosta apublikavaŭ u tvitary videa, na jakim jaho propusk u Bieły dom kanfiskuje supracoŭnik Sakretnaj słužby ZŠA.
Kiraŭnictva telekanała asudziła dziejańni administracyi Trampa, naŭprost źviazaŭšy ich ź niazručnymi pytańniami, jakija Akosta zadavaŭ prezidentu na pres-kanfierencyi.
Padtrymku žurnalistu taksama vykazała asacyjacyja karespandentaŭ prezidenckaha puła ZŠA, zapatrabavaŭšy pierahledzieć rašeńnie pra pazbaŭleńnie akredytacyi Akosty.