Jak u novych rekłamnych VIDEA Apple vyśmiejała Google
Vydańnie phonearena.com praanalizavała novyja rekłamnyja roliki ad Apple, u jakich kampanija pakazvaje pieravahi svaich smartfonaŭ.
Chacia ŭ videa nie paviedamlajecca, jakuju apieracyjnuju sistemu Apple supraćpastaŭlaje svajoj iOS, majecca na ŭvazie, vidavočna, Android ad kampanii Google, bo mienavita hetyja dźvie AS zaraz zajmajuć amal 100% svajho rynku.
U pieršym roliku, dzie paraŭnoŭvajucca kramy mabilnych dadatkaŭ, raspaviadajecca pra nibyta vysokuju kolkaść niebiaśpiečnych dadatkaŭ u «vašaj kramie» i adsutnaść takich u App Store.
Vydańnie adznačaje, što raniej App Store nasamreč moh pachvalicca bolš biaśpiečnymi i pravieranymi dadatkami ŭ paraŭnańni z Google Play. Ale ŭ minułym hodzie ŭ kramie ad Google źjaviłasia ubudavanaja sistema abarony, jakaja źmianiła situacyju ŭ lepšy bok.
U druhim roliku paraŭnoŭvajucca partretnyja režymy fatahrafavańnia, zroblenyja na «vaš smartfon» i na iPhone. U pryvatnaści, demanstrujecca, jak apošni mianiaje zadni fon.