U Rasii raspracoŭvajuć prybor, jaki maje kiravać žadańniami ludziej
Śpiecyjalisty rasijskaj dziaržkarparacyi «Rasatam» raspracavali kompleks dla rehistracyi zvyšsłabych bijamahnitnych paloŭ, jaki dapamoža vyjaŭlać «centr žadańniaŭ» u mozhu žyvych arhanizmaŭ, pieradaje RIAN.
Kompleks, jaki pracuje na asnovie mietadu zvyšpravodnaje mahnitamietryi, rehistruje zvyšsłabyja mahnitnyja pali.
«Hetaja raspracoŭka daść mahčymaść vyjaŭlać centry žadańniaŭ i navat kiravać imi», — rastłumačyli stvaralniki kompleksu.
Zvyšsłabyja mahnitnyja pali mozhu vyjaŭlajucca admysłovaj pryładaj, što zaviecca mahnitaencefałohrafam, jaki maje dastatkovuju adčuvalnaść dla rehistracyi vielmi małych mahnitnych paloŭ.
Vynikam praviadzieńnia mahnitaencefałahrafii (MEH) źjaŭlajucca vialikija masivy dadzienych, jakija niasuć infarmacyju ab pracesach, što adbyvajucca ŭ hałaŭnym mozhu. U chodzie apracoŭki hetych źviestak pierad daśledčykam stavicca zadača rekanstrukcyi krynic roznych MEH-sihnałaŭ ŭ kary hałaŭnoha mozhu. Takim čynam možna adsačyć i pracu centra žadańniaŭ.