Samsung zapatentavała płanšet-bieśpiłotnik, palot jakoha kirujecca pohladam i hołasam
Paŭdniovakarejskaja kampanija Samsung zapatentavała dron z admysłovym ekranam, jaki zmoža adsočvać pohlad čałavieka, ruchi ruk i raspaznavać jaho hołas.
Jak havorycca ŭ patencie, dron budzie abstalavany kamieraj i sistemaj nazirańnia. Kiravańnie chutkaściu i kirunkam palotu bieśpiłotnika budzie ažyćciaŭlacca ruchami vačej, ruk i hałavy.
U dron buduć ubudavanyja hiraskop, datčyk ruchu, aksieleromietr, GPS, Wi-Fi-pazicyjanavańnie, a taksama sistema vibracyi i raspaznańnia hołasu.
Pavodle dakumientaŭ, pryłada budzie ŭjaŭlać saboj płanšetny kampjutar z sensarnym dyspłejem, jaki pieramiaščajecca ŭ prastory z dapamohaj čatyroch prapielleraŭ. Pry hetym ekran zmoža ruchacca, zajmajučy najbolš zručnaje dla karystalnika stanovišča.