Sud u ZŠA admoviŭsia pryznavać słanoŭ niezaležnymi asobami
Sud štata Kaniektykut adchiliŭ prašeńnie abaroncaŭ žyvioł ab pryznańni troch słanoŭ ź pierasoŭnaha zaaparka asobami. Na dumku aktyvistaŭ, heta dapamahło b abaranić žyvioł, paviedamlaje The Washington Post.
Amierykanskaja arhanizacyja pa abaronie žyvioł The Nonhuman Rights Project źviarnułasia ŭ sud u listapadzie Havorka ŭ dakumiencie išła pra troch žyviołaŭ z vandroŭnaha zaaparka Commerford Zoo. Zoaabaroncy patrabavali adpuścić słanoŭ na volu.
Aŭtary dakumienta nastojvali na tym, što ŭ słanoŭ «jość samaśviadomaść, jany pamiatajuć minułaje i mohuć płanavać budučyniu, udzielničajuć u składanych formach znosin, demanstrujuć empatyju i smutkujuć pa pamierłych».
Sudździa nazvaŭ dovady «absalutna biespadstaŭnymi», adznačyŭšy, što dla zadavalnieńnia zapytu niama ni pravavych padstavaŭ, ni adpaviednaha precedentu.