Va «UKantakcie» ciapier možna vydalać paviedamleńni paśla adpraŭki
Niadaŭna ŭ sacsietcy «Ukantakcie» źjaviłasia mahčymaść redahavać paviedamleńni na praciahu 24 hadzin paśla adpraŭki. I voś, kampanija raspaviała pra jašče adno novaŭviadzieńnie, jakoje ŭžo pačało dziejničać.
Sacsietka pašyryła funkcyju vydaleńnia paviedamleńniaŭ u čatach, dazvoliŭšy ścirać ich dla ŭsich udzielnikaŭ hutarki, a nie tolki dla siabie, jak heta było raniej.
Kab vydalić paviedamleńnie dla ŭsich udzielnikaŭ čata, treba vydzialić jaho, nacisnuć na malunak vydaleńnia («śmietnicu») i vybrać punkt «Vydalić dla ŭsich». Pasłańnie źniknie z hutarki biezzvarotna.
Padobnaja funkcyja majecca ŭ šmat jakich miesiendžarach. Jaje asablivaść va «UKantakcie» ŭ tym, što pracuje jana tolki na praciahu 24 hadzin z momantu adpraŭleńnia paviedamleńnia.
Pakul mahčymaść ścirać paviedamleńni z čataŭ dastupnaja tolki ŭ veb-viersii sacyjalnaje sietki.