Time nazvaŭ Čałaviekam hoda mužčyn i žančyn, jakija pieršymi raspaviali pra damahalnictvy
Redakcyja amierykanskaha časopisa Time nazvała Čałaviekam hoda ŭdzielnikaŭ ruchu Silence Breakers, što pieršymi raspaviali pra seksualnyja damahańni. Siarod ich aktrysa Ešli Džad, śpiavačka Tejłar Śvift, eks-inžynier kampanii Uber Sjuzan Faŭler.
Ruch uźnik paśla taho, jak na pačatku kastryčnika The New Yorker i The New York Times apublikavali vyniki rasśledavańnia pra šmatlikija vypadki damahańniaŭ z boku znakamitaha pradziusara Charvi Vajnštejna.
Mužčyny i žančyny, što vystupili suprać seksualnaha hvałtu i damahalnictvaŭ, abjadnalisia pad chešteham #MeToo. Aktrysy adna za druhoj pačali raspaviadać pra tyja situacyi, ź jakimi sutyknulisia jany.
Na vokładcy napisana: «Tyja, chto parušyŭ maŭčańnie. Hałasy, ź jakich pačaŭsia ruch».
Time vyznačaje Čałavieka hoda ad 1927 hoda, pieršym byŭ nazvany lotčyk Čarłz Lindbierh.