Jak budzie vyhladać horad, jaki Saudaŭskaja Aravija pabuduje ŭ pustyni za $7 miljardaŭ? Šmat FOTA
Saudaŭskaja Aravija — najbujniejšy eksparcior nafty ŭ śviecie. Ale padzieńnie koštaŭ na jaje niehatyŭna paŭpłyvała na ekanomiku krainy.
Kab ažyvić ekanomiku i źnizić zaležnaść krainy ad čornaha zołata, urad Saudaŭskaj Aravii pracuje nad pieraŭtvareńniem sotniaŭ kvadratnych kiłamietraŭ pustyni ŭ novyja harady. Miarkujecca, što heta stvoryć novyja pracoŭnyja miescy i dyviersifikuje ekanomiku.
Adnym z takich abjektaŭ stanie ekanamičny horad viedaŭ, raźmieščany za 96 kiłamietraŭ ad uźbiarežža Čyrvonaha mora. Jon musić być dabudavany da 2020 hoda.
Tak vyhladaje hienpłan:
Fota tut i nižej: Knowledge Economic City Company
Płošča hatovaha horada koštam $7 miljardaŭ składzie kala 5 kvadratnych kiłamietraŭ. Jon praduhledžvaje handlovyja płoščy, ofisnyja pamiaškańni i bolš za 90 tysiač kvadratnych mietraŭ žyłych pamiaškańniaŭ.
Urad Saudaŭskaj Aravii śćviardžaje, što novy horad stvoryć 20 tysiač pracoŭnych miescaŭ i pradastavić žyllo 150 tysiačam čałaviek, jakija buduć žyć u asabistych i šmatkvaternych damach.