Čałaviek, jaki płanavaŭ zrabić sabie apieracyju pa pierasadcy hałavy, znajšoŭ inšy mietad lačeńnia
Rasijski prahramist Valeryj Śpirydonaŭ, na jakim pavinny byli pravieści pieršuju ŭ śviecie apieracyju pa pierasadcy hałavy, raspavioŭ ab alternatyŭnym sposabie lačeńnia. Jak paviedamlaje «Kamsamolskaja praŭda», Śpirydonaŭ vyrašyŭ aprabavać mienš ryzykoŭnuju apieracyju, jakaja značna palehčyć jamu žyćcio.
Valeryj Śpirydonaŭ. Fota z ułasnaha archivu
My ŭžo pisali, što italjanski niejrachirurh Sierdžya Kanaviera vyrašyŭ pravieści pieršuju ŭ śviecie apieracyju pa pierasadcy hałavy nie Śpirydonavu, a ananimnamu kitajskamu pacyjentu.
Čytajcie taksama: Pieršuju ŭ śviecie pierasadku hałavy zrobiać kitajcu
Pa słovach Śpirydonava, jon nie ličyć supracoŭnictva z Kanaviera hałoŭnym prajektam u svaim žyćci. Adnak mužčyna adznačaje, što znosiny ź niejrachirurham dało jamu masu novych mahčymaściaŭ.
«Na ščaście, pry maim zachvorvańni isnuje całkam aprabavanaja apieracyja pa impłantacyi stalovaha stryžnia dla padtrymańnia pazvanočnika ŭ pramym stanie, jakaja pravodzicca dastatkova časta ŭ padobnych vypadkach», — raspavioŭ Śpirydonaŭ.
Pa słovach mužčyny, košt apieracyi składzie kala 40 tysiač dalaraŭ.
Nahadajem, italjanski niejrachirurh Serdžya Kanaviera raspavioŭ, što ŭ Kitai ŭžo całkam padrychtavali kliniku dla pacyjenta sa svajoj krainy. Apieracyja pavinna prajści ŭ kancy 2017 hoda.