Urad Małdovy adpravić armiju na vučeńni va Ukrainu nasupierak Dadonu
Małdaŭskija vajennyja voźmuć udzieł u mižnarodnych vajennych vučeńniach u Ukrainie niezaležna ad rašeńnia prezidenta Ihara Dadona. Pra heta vydańniu Deschide paviedamiła pres-sakratar urada Steła Nistar, piša «Jeŭrapraŭda».
«Rašeńnie spadara prezidenta nie pieraškodzić udziełu Nacyjanalnaj armii ŭ vajennych vučeńniach va Ukrainie, bo rašeńnie ŭrada adpaviadaje zakanadaŭstvu. Nacyjanalnaja armija voźmie ŭdzieł u hetych vučeńniach, pavodle rašeńnia ŭrada», — skazała Nistar.
Nahadajem, 5 vieraśnia prezident Małdovy Ihar Dadon zabaraniŭ vajennym udzielničać u vučeńniach Rapid Trident-2017 va Ukrainie.
U sieradu ŭrad Małdovy pryniaŭ rašeńnie, zhodna ź jakim małdaŭskim vajennym dazvalałasia ŭdzielničać u vučeńniach.
Dadon prypyniŭ dziejańnie ŭradavaj pastanovy, nastojvajučy, što ŭdzieł armii ŭ vučeńniach za miežami krainy pavinien zaćvierdzić hałoŭnakamandujučy Uzbrojenych sił, to bok prezident.