U Katyni (Rasija) palicyja zatrymała biełaruskich žurnalistaŭ i pravieryła dakumienty ŭ naviednikaŭ ź Biełarusi
abnoŭlena
Rasijskaja palicyja zatrymała ŭ Katyni pobač sa Smalenskam niezaležnych biełaruskich žurnalistaŭ Luboŭ Łuniovu i Alesia Siliča, jakija aśviatlali vizit delehacyi biełaruskich demakrataŭ u katynski miemaryjał, paviedamlaje sajt BAŽ.
Žurnalistaŭ zatrymali supracoŭniki palicyi, jakija ŭvieś čas supravadžali biełaruskuju delehacyju u Katyni. Spačatku palicyjanty pravieryli ŭ karespandentaŭ dakumienty, a potym paprasili prajechać u Smalensk u adździaleńnie milicyi.
Udzielniki ž naviedvańnia Katyni pakul zastajucca na voli, choć ich uvieś dzień siońnia supravadžaje rasijski AMAP.
***
U 17.30 stała viadoma, što žurnalistaŭ vyzvalili biez składańnia pratakołaŭ. Zatrymanyja praviali z palicyjaj bolš za hadzinu, paśla čaho va ŭsich udzielnikaŭ biełaruskaj delehacyi pravieryli pašparty i adpuścili.
Čytajcie taksama: