Łukašenka: Uščamleńnie svabody ŚMI ŭ Biełarusi? Heta kliše z arsienała minułaha
«Aktyŭna raźvivajecca miedyjnaja prastora Biełarusi, na jakoj prysutničajuć ŚMI roznych form ułasnaści i palityčnych pohladaŭ. Nibyta majučaje miesca ŭščamleńnie svabody ŚMI ŭ našaj krainie — heta kliše z arsienała minułaha».
Pra heta zajaviŭ siońnia Alaksandr Łukašenka na plenarnym pasiadžeńni, pryśviečanym uračystamu adkryćciu ŭ Minsku 26-j štohadovaj siesii Parłamienckaj asamblei ABSIE, pieradaje BIEŁTA.
«U viek internetu heta naohuł pazbaŭlena ŭsialakaha sensu. A ŭ płanie raźvićcia internetu i jaho dastupnaści vy nas nikoli nie paprakniacie», — adznačyŭ jon.
Jon źviarnuŭ uvahu, što ŭ Biełarusi kruhłasutačna viaščajuć šmatlikija zamiežnyja kanały, u tym liku «Jeŭrańjus» i bujnyja rasijskija telekanały.
«Sa ŚMI ŭ nas prablem niama. Ja jašče raz padkreślivaju: toj, chto choča viedać ab tym, što adbyvajecca ŭ śviecie, viedaje».