Viarchoŭny sud pakinuŭ bieź źmienaŭ prysud Uładu Kazakieviču
Viarchoŭny sud 13 červienia adchiliŭ apielacyjnuju skarhu na prysud Uładzisłavu Kazakieviču, jaki 8 kastryčnika 2016 hoda napaŭ ź bienzapiłoj na naviednikaŭ handlovaha centra «Jeŭropa», zabiŭšy adnu žančynu i paraniŭšy dźviuch.
Prysud — 15 hod kałonii ahulnaha režymu — pakinuty bieź źmienaŭ; ličycca, što jon nabyŭ siłu. Ciapier zakon dazvalaje tolki apratestavać prysud u paradku nahladu.
Nieviadoma, ci budzie heta zroblena, bo Kazakieviča ŭ sud nie dastaŭlali, jahony abaronca admoviŭsia kamientavać vyniki pracesu. Baćka asudžanaha Valancin Kazakievič paśla pierapynku ŭ sud nie źjaviŭsia.
Pryznanyja paciarpiełymi svajaki zabitaj Aleny Aleksandroniec sustreli rašeńnie suda apładysmientami.