life:) adkryŭ biaspłatny dostup da fejsbuka dla svaich abanientaŭ
Mabilny apieratar life:) sumiesna z Facebook zapuskaje prajekt Free Basics, meta jakoha — zrabić mabilny internet dastupnym jak maha bolšaj kolkaści ludziej.
Sutnaść prajekta ŭ nastupnym: na admysłovaj staroncy freebasics.com usie abanienty life:) mohuć biaspłatna čytać naviny, daviedvacca pra nadvorje, znajomicca z roznymi artykułami pra zdaroŭje, adukacyju i mnohaje inšaje. Materyjały padajucca biełaruskim partałam tut.by, a taksama roznymi mižnarodnymi resursami, naprykład, elektronnaj encykłapiedyjaj «Vikipiedyja», žanočym partałam UN Women i inšymi servisami.
Taksama na freebasics.com arhanizavany biaspłatny dostup da sacyjalnaj sietki Facebook. Akramia taho, asobna ŭ samym Facebook źjavicca biaspłatny režym, vybraŭšy jaki, možna karystacca sacyjalnaj sietkaj bieź internetu. Dastupnyja buduć usie funkcyi, uklučajučy miesiendžar, za vyklučeńniem prahladu fota i videa.
Akramia staronki freebasics.com, biaspłatnyja sajty i Facebook dastupnyja abanientam u mabilnym dadatku dla Android-smartfonaŭ Free Basics. Spampavać jaho biaspłatna možna na staroncy freebasics.com.
Free Basics — inicyjatyva Facebook. Siońnia jon užo zapuščany ŭ bolš čym 50-ci krainach śvietu.