Apieratar velcom paviedamiŭ pra pavyšeńnie taryfaŭ
Apieratar velcom paviedamiŭ ab pavyšeńni taryfaŭ na pasłuhi suviazi z 12 krasavika 2017 hoda.
Paviedamlajecca, što pavieličeńnie koštu składzie 9% i zakranie vykliki, abanienckuju płatu, SMS, MMS, internet-taryfy, taryfy na vychodnyja mižnarodnyja zvanki, śpiecyjalnyja i niekatoryja dadatkovyja pasłuhi (u tym liku, jakija akazvajucca praz kantent-pravajderaŭ, roŭminh i inš.).
Taksama adbudziecca źmiena pryncypu pradastaŭleńnia mabilnaha internetu taryfnaha płana «Smart Biaskoncy» (pry spažyvańni, jakoje pieravyšaje 100 HB, dostup u internet budzie pradastaŭlacca na chutkaści da 512 Kbit/s).
Źmieny nie zakranuć abanienckuju płatu, košt vychodnych vyklikaŭ na stacyjanarnyja numary i ŭ sietki mabilnych apierataraŭ Biełarusi dla abanientaŭ taryfnych płanaŭ «Sacyjalny» i «Piensijny». Košt pasłuh «Karotki numar», «Dastupny bałans», «Kaardynatar», «Moj archiŭ» taksama zastaniecca bieź źmienaŭ.
Pamiery štomiesiačnych płaciažoŭ pa rasterminoŭcy za abstalavańnie ŭ ramkach raniej zaklučanych dahavoraŭ taksama zastanucca niaźmiennymi.
Bolš padrabiazna sa źmienami možna aznajomicca pa nastupnych spasyłkach: velcom, Privet.