Z «Łajfńjus» zvolnili aŭtara «rasśledavańniaŭ» pra biełaruskuju apazicyju
15 sakavika redaktar adździeła «Relihija» skandalnaha rasijskaha vydańnia «Łajf» Uładzisłaŭ Malcaŭ vyjaviŭ pamyłku ŭ tekście karespandenta «Kommiersanta» Alaksandra Čornych. Žurnalisty ŭstupili ŭ svarku, padčas jakoj Malcaŭ patłumačyŭ, čym jon lepš za Čornych:
Kamientar zaŭvažyŭ žurnalist Aleh Kašyn.
Čytačy abmierkavali kieramahranit…
…i zapadozryli, što ŭładalniku «Łajf» Aramu Habrelanavu taki padychod da pracy moža nie spadabacca.
Mabyć, tak i zdaryłasia. Post Aleha Kašyna sabraŭ 1000 łajkaŭ i 150 pierapostaŭ, paśla čaho Malcaŭ apublikavaŭ post, u jakim zajaviŭ, što heta byŭ trolinh:
U čym zaklučajecca profit, zrazumieła nie da kanca: siońnia Malcaŭ byŭ zvolnieny. Pra heta «Mieduzie» raspavioŭ pieršy namieśnik redakcyjnaha dyrektara «Łajf» Anatol Sulejmanaŭ: «Heta sapraŭdy tak. Toje, što im było zroblena, — niekarparatyŭna». Jon dadaŭ: «U «Łajf» sapraŭdy atrymlivajuć dobruju zarpłatu, ale nie takuju vialikuju, kab možna było kupić dvuchpakajovuju kvateru, adštukavać jaje kieramahranitam i kuplać niejkija niejmavierna krutyja skuranyja kurtki».
Zaŭvažym, što Uładzisłaŭ Malcaŭ adznačyŭsia šeraham «rasśledavańniaŭ» pra biełaruskuju apazicyju. Voś tolki niekatoryja zahałoŭki jaho «siensacyjnych» artykułaŭ:
- «Vašynhton finansuje adradžeńnie pahanstva ŭ Biełarusii»
- «Biełaruskaja apazicyja dałučyłasia da baraćby za lehałajz»
- «Lasnyja niebraty: jak biełaruskaja apazicyja rychtujecca da vajny z Rasijaj»
- «Jak «biełaruski partyzan» Pavieł Šaramiet absłuhoŭvaŭ ukrainskich nieanacystaŭ»
- «Minski lehijon Bandery: jak biełaruskija nacyjanalisty vajujuć z Rasijaj»