Suprać uzłomu niama pryjomu? Cikavyja fakty pra bajnet i kibierpahrozy
a na vašych hadžetach ustanoŭleny antyvirusy?
Z amal 10-miljonnaha nasielnictva Biełarusi bolš za 5 miljonaŭ čałaviek źjaŭlajucca internet-karystalnikami. 93% ź ich vychodziać u anłajn štodzionna. Na kožnaha biełarusa prychodzicca 1,8 hadžeta. U asnoŭnym, heta smartfony, pryčym 90 % «niajabłyčnyja». Uličvajučy, što dola uładalnikaŭ smartfonaŭ budzie tolki pavialičvacca, ekśpierty prahnazujuć, što raści budzie i kolkaść mabilnych pahroz. Ci mohuć siońnia kampjutary i telefony, a hałoŭnaje — našy asabistyja dadzienyja tam, dobra adčuvać siabie biez antyvirusaŭ i inšaj abarony? Na hetyja i inšyja pytańni adkazvali pradstaŭniki kampanii «ESET» na śpiecyjalnaj kanfierencyi.
Kali ŭ 2015 hodzie złačyncy vypuskali 200 novych škodnych prahram dla Android kožny miesiac, to ŭ 2017-m ich kolkaść, na dumku virusnych ekśpiertaŭ, uzraście da 400. Pad asnoŭnym prycełam znachodziacca, samo saboju, hrošy. Pryčym zaražeńni ŭ 90% vypadkaŭ adbyvajucca praz elektronnuju poštu. Ale jość i ŭnikalnyja momanty: naprykład, u 2015 hodzie byŭ napisany botnet, jaki pieraškadžaŭ biełarusam zapisacca ŭ polskaje konsulstva: ludzi nie mahli zarehistravacca na admysłovym sajcie, a kibierzłačyncy prosta pierapradavali vyhadny čas.
Siarod mabilnych vymahalnikaŭ siońnia pieravažajuć tak zvanyja «palicejskija»: jany błakujuć ekran, patrabavańnie vykupu imituje aficyjnaje paviedamleńnie ab błakavańni za prahlad pornakantenta, raspaŭsiudžvańnie nielicenzijnaha PZ i inšyja padobnyja «parušeńni». Karaciej, treba być aściarožnieje.
Dadatkovaje dla miežaŭ Biełarusi chvalavańnie: ci nie sočać za mnoj i ci nie ŭzłamajuć śpiecsłužby (dla razvažańniaŭ: 48% internet-karystalnikaŭ u našaj krainie zalaplajuć izastužkaj svaje veb-kamiery)? Pra toje, jak minimazavać padobnyja ryzyki, «NN» raskazaŭ kiraŭnik pradstaŭnictva «ESET» u Rasii i SND Dzianis Maciejeŭ:
«Jość dziejańni, jakija nieabchodna zrabić, kab źvieści da nula lubyja pahrozy: ustalavańnie antyvirusa, nadziejnyja paroli, aściarožnaść padčas rasparadžeńnia piersanalnymi dadzienymi. My sa svajho boku pracujem vyklučna nad techničnymi pytańniami, biez palityčnaj padaploki, nie staviačy metu vyśvietlić, ź jakoha kankretna miesca pastupajuć pahrozy».
Dzianis Maciejeŭ, fota Antona Matolki
Niahledziačy na pałochajučyja pradkazańni ekśpiertaŭ, 85% biełarusaŭ praciahvajuć juzać nielicenzijnaje prahramnaje zabiaśpiačeńnie. A dla 15% Wi-Fi roŭtaraŭ da hetaha času vykarystoŭvajucca łohiny i paroli nakštałt «12345», «password» i «admin».