U Baranavickim rajonie lehkavik vylecieŭ u kiuviet i zahareŭsia
U Baranavickim rajonie lehkavy aŭtamabil źjechaŭ u kiuviet i zahareŭsia, paviedamili va UUS Bresckaha abłvykankama.
Fota DAI Bresckaj vobłaści
Avaryja adbyłasia siońnia kala 7:40. Pavodle papiaredniaj infarmacyi, za rulom aŭtamabila «BMV 320» znachodziŭsia 23-hadovy žychar pasiołka Pieršamajski. Na zakruhleńni darohi kiroŭca nie spraviŭsia z kiravańniem, dapuściŭ źjezd u kiuviet, paśla čaho inšamarka pierakuliłasia i zaharełasia. U vyniku darožna-transpartnaha zdareńnia małady čałaviek atrymaŭ cialesnyja paškodžańni. Jaho špitalizavali ŭ Baranavickuju haradskuju balnicu.
Pa fakcie DTZ pravodzicca pravierka.