Biełarusist ź Japonii vyvučaje teksty «Našaj Nivy»
Tvorčaść Maksima Bahdanoviča natchniła japonskaha studenta Kiena Sibatu daśledavać našaniŭski pieryjad u biełaruskaj kultury, piša belsat.eu.
«Kali ja čytaju biełaruskuju litaraturu hetaha času, ja mahu znajści praces stvareńnia biełaruskaj sučasnaj movy», — padkreśliŭ biełarusist ź Japonii Kien Sibata.
Kien Sibata adznačaje, što daśledavańnie našaniŭskaha pieryjadu cikavić jaho mienavita jak zamiežnika.
«Litaratura hetaha pieryjadu ščylna źviazanaja z adradžeńniem nacyjanalnaj kultury. I ja dumaju, što heta važna nie tolki dla biełarusaŭ abo amataraŭ biełaruskaj kultury, ale i dla japoncaŭ», — adznačyŭ Kien Sibata.