U Minsk viazuć vystupać italjanskaha prarasijskaha žurnalista
U Minsk viazuć ulublonaha ekśpierta rasijskich telekanałaŭ i «Sputnika» — italjanskaha žurnalista Džuljeta Kjeza.
Sustreču ź im maje vieści Alena Jałovik z ahienctva BiełTA i haziety «Sieḿ dniej» — taja samaja, što maderavała sustreču z rasijskim čarnasociencam Starykavym u Domie Maskvy.
Kjezu dla vystupu dajuć kanfierenc-zału «Doma presy» ŭ Minsku, ale pry svabodnym uvachodzie abaviazkovaja papiaredniaja rehistracyja.
Kjeza byŭ aktyvistam Italjanskaj kampartyi, kiraŭnikom kamsamoła, a paśla 20 hadoŭ — karespandentam italjanskich levych haziet u Maskvie.
Raniej Kjeza pabyvaŭ deputatam Jeŭraparłamienta ad levych siłaŭ, a ciapier jon abasnavaŭsia ŭ jakaści štatnaha ekśpierta rasijskich ŚMI.
«Suśvietny kryzis: paskareńnie krachu» — tak italjanski antyhłabalist sfarmulavaŭ temu sustrečy ź minskaj hramadskaściu.
Na pytańnie ab tym, ci nie pierabolšvajuć krytyki sučasnaha hramadstva maštaby kryzisu, Ḱjeza ŭpeŭniena zajaŭlaje: «Ciapier my padyšli da miažy raźvićcia. Kryzis, jaki nas akružaje, — heta prajava pačatku kanca resursaŭ. Raniej takoha nie było, tamu try stahodździ ludzi žyli ŭ iluzii biaskoncaha raźvićcia, a ciapier vidać, što fundamientalnyja elemienty pačynajuć źnikać».
«Usie italjancy napałochanyja, jak i praktyčna ŭsie jeŭrapiejcy, — zajaŭlaje Kjeza. — Kiraŭniki dziaržaŭ nie viedajuć, što rabić. Tamu ŭ hramadstvie śpieje palityčnaja revalucyja, jakaja źmiacie ciapierašni kirujučy kłas», — spadziajecca jon.
«Vyrazna vidać, što jeŭrapiejcy nie adzinyja i nie zhodnyja, — pravodzić Kjeza inšuju klučavuju ŭstanoŭku rasijskaj prapahandy, — Niekatoryja nie chočuć dziejničać razam ź inšymi krainami. U najaŭnaści humanitarnaja trahiedyja, i jość taksama trahiedyja palityčnaja», — śćviardžaje jon.
Pravodziačy dumku pra budučuju revalucyju ŭ Zachodniaj Jeŭropie, Kjeza adnačasova krytykuje revalucyi ŭ arabskich krainach i krainach Centralnaj i Uschodniaj Jeŭropy, što adbylisia ŭ 1990-ch i 2000-ch.
Kjeza — vialiki prychilnik Uładzimira Pucina i kitajskich kamunistaŭ. Jon havoryć pa-rusku, a ciapier vučyć kitajskuju movu.
Rasii Pucina ŭdałosia adnavić sietku svaich prychilnikaŭ u Zachodniaj Jeŭropie, jakaja paśla bankructva Savieckaha Sajuza zaniapała. Rasija aktyŭna finansuje jak ultrapravych, tak i ultralevych u Jeŭropie ŭ spadziavańni, što radykalnyja siły asłabiać Jeŭrasajuz znutry.