Jarmošyna: Vybarščyki nie majuć prava rabić fota na ŭčastku dla hałasavańnia
Prava rabić fota- i videazdymku na vybarčym učastku majuć tolki žurnalisty. Usim astatnim heta dazvalajecca tolki paśla dazvołu staršyni ŭčastkovaj vybarčaj kamisii. Pra heta zajaviła staršynia Centrvybarkamu Lidzija Jarmošyna padčas pres-kanfierencyi 11 vieraśnia.
«Prava pravodzić fota- i videazdymki dajecca tolki žurnalistam. U adpaviednaści z zakonam «Ab ŚMI», što da ŭsich astatnich hramadzian, to jany majuć prava rabić niejkija fotazdymki tolki sa zhody hramadzian, jakich jany fatahrafujuć. Heta ahulnahramadzianskija praviły. Tamu prosta tak pryjści i fatahrafavać vybarčuju kamisiju ci inšych vybarščykaŭ jany nie majuć prava», — cytuje Jarmošynu «Jeŭraradyjo».
«Možna spasyłku na zakon, jakim kirujecca hetaja žančyna, kažučy, što ja, jak fiz asoba, nie maju prava rabić fota/videa na vybarčym učastku?» — reahuje ŭ sacsietkach fatohraf Anton Motolko.