U śledstva niama kančatkovaj viersii zabojstva Paŭła Šaramieta
Śledstva ŭsio jašče nie vyznačyła asnoŭnuju viersiju matyvaŭ zabojstva ŭ Kijevie 20 lipienia biełaruskaha žurnalista Paŭła Šaramieta.
Mašyna ź biełaruskim žurnalistam była ŭzarvanaja ranicaj 20 lipienia ŭ Kijevie, Unian.net
Pra heta zajaviŭ daradca ministra ŭnutranych spraŭ Ukrainy Anton Hieraščanka ŭ efiry «Svabody słova».
«Na dadzieny momant palicyja i najlepšyja śledčyja razam sa śledčymi prakuratury vyvučajuć vielizarnyja abjomy śviedčańniaŭ, videazapisy, kab vyznačyć samaje hałoŭnaje — matyŭ zabojstva Paŭła Šaramieta», — skazaŭ jon.
Hieraščanka dadaŭ, što jość ceły šerah viersij, adnak da kanca śledstva jašče nie vyznačyłasia, jakaja viersija źjaŭlajecca asnoŭnaj.
Jon padkreśliŭ, što jość viersii, što zabojstva źviazana ź jaho žurnalisckaj dziejnaściu va Ukrainie.