Zachad karjery Mirnaha i ŭzychodžańnie Azaranki z Havarcovaj
Praciahvajucca hulni na adkrytym čempijanacie Francyi pa tenisie.
Baraćbu za pieramohu «Rałan Harosu» ŭ adzinočnym razradzie praciahvajuć dźvie biełaruski — Viktoryja Azaranka (16‑aja siejanaja) i Volha Havarcova. Siońnia dziaŭčaty praviali čarhovyja matčy ŭ Paryžy.
Spačatku Volha Havarcova dosyć upeŭniena razabrałasia z 31‑aj siejanaj japonkaj Ai Suhijamaj — 6:0, 7:5. U trecim raŭndzie biełarusku čakaje jašče bolš hroznaja supiernica — rasijanka Alena Dziamienćjeva.
Vyjšła ŭ lik tryccaci dvuch macniejšych i pieršaja rakietka Biełarusi Viktoryja Azaranka. Dziaŭčyna nie pakinuła zusim nijakich šancaŭ rumyncy Saranie‑Michaele Kirści — 6:0, 6:0. U 1/16 Viku budzie čakać italjanka Frančeska Skjavonie.
Zatoje zusim zdaŭ pazycyi Maksim Mirny. Niekali hulec pieršaj dvaccatki suśvietnaha tenisu navat nie zajaŭlaŭsia ŭ adzinočny razrad, dzie jamu daviałosia b pravodzić kvalifikacyju.
pary Maks taksama atrymaŭ parazu ŭžo ŭ pieršaj hulni. Para Mirny — Miurej prajhrała Ryku de Vestu (PAR) i Robinu Chaasie (Halandyja) — 6:3, 3:6, 5:7.