Захад кар’еры Мірнага і ўзыходжаньне Азаранкі з Гаварцовай
Працягваюцца гульні на адкрытым чэмпіянаце Францыі па тэнісе.
Барацьбу за перамогу «Ралан Гаросу» ў адзіночным разрадзе працягваюць дзьве беларускі — Вікторыя Азаранка (16‑ая сеяная) і Вольга Гаварцова. Сёньня дзяўчаты правялі чарговыя матчы ў Парыжы.
Спачатку Вольга Гаварцова досыць упэўнена разабралася з 31‑ай сеянай японкай Аі Сугіямай — 6:0, 7:5. У трэцім раўндзе беларуску чакае яшчэ больш грозная суперніца — расіянка Алена Дзяменцьева.
Выйшла ў лік трыццаці двух мацнейшых і першая ракетка Беларусі Вікторыя Азаранка. Дзяўчына не пакінула зусім ніякіх шанцаў румынцы Саране‑Міхаэле Кірсьці — 6:0, 6:0. У 1/16 Віку будзе чакаць італьянка Франчэска Ск’явоне.
Затое зусім здаў пазыцыі Максім Мірны. Некалі гулец першай дваццаткі сусьветнага тэнісу нават не заяўляўся ў адзіночны разрад, дзе яму давялося б праводзіць кваліфікацыю.
пары Макс таксама атрымаў паразу ўжо ў першай гульні. Пара Мірны — Мюрэй прайграла Рыку дэ Вэсту (ПАР) і Робіну Хаасе (Галяндыя) — 6:3, 3:6, 5:7.