Na navapołackim «Palimiry» zdaryŭsia pažar
Bujnoje ŭzharańnie zdaryłasia dniom 18 červienia na navapołackim AAT «Palimir».
Jak paviedamili ŭ Navapołackim haradskim adździele MNS, infarmacyja pra zdareńnie pastupiła ŭ 13.12. Adbyvałasia fakielnaje hareńnie, vyšynia fakieła składała kala 4 mietraŭ na etažercy hazaraźmierkavańnia vyšynioj 30 mietraŭ korpusa № 305 cecha № 104. Pažar byŭ łakalizavany ŭ 14.22.
vk.com/polotskpeople
«Pahrozy zdaroŭju žycharoŭ horada i tych, chto znachodzicca na zavodzie, niama. Situacyja pad kantrolem», — padkreślili ŭ MNS.
Infarmacyju pra vybuch, jaki papiaredničaŭ uzharańniu, u MNS pakul nie paćviardžajuć. Miž tym, jak paviedamlajuć u sacsietkach, vybuchovuju chvalu adčuli adpačyvalniki na voziery Luchava i ŭ damach, što niepadalok.
Varta zaznačyć, što ŭ kancy krasavika na «Palimiry» zdaryŭsia vykid etylenu, paciarpiełych nie było.
vk.com/polotskpeople
«Palimir» — bujnoje chimičnaje pradpryjemstva, jakoje vyrablaje polietylen, akryłavaje vałakno, pradukty arhaničnaha sintezu i vuhlevadarodnych frakcyj. Ekspartuje pradukcyju ŭ Rasiju, Ukrainu, Hiermaniju, Finlandyju, Polšču, Iran, Vienhryju, Bałharyju, Kitaj i inšyja krainy.