Zamiežnyja ŭdzielniki adzinaccataha siezona Biełaruskaha tydnia mody FOTY
Zamiežnyja hości ŭ hetym siezonie pradstavili Italiju, Hiermaniju, Rasiju, Vialikabrytaniju, Polšču dy Hruziju. Niamieckaha i italjanskaha dyzajnieraŭ padtrymali adpaviedna ambasady Hiermanii dy Italii.
Marina Reimann (Hiermanija) raskazała žurnalistam, što jaje kalekcyja sukienak raźličana na žančyn, jakija majuć vysoki sacyjalny status. Sama aŭtarka hulaje ŭ holf, a paśla časta naviedvaje roznyja raŭty i pryjomy. Dla takich mierapryjemstvaŭ jana i stvaryła hetu kalekcyju.
Federica Tosi (Italija). U pradstaŭlenaj asieńnie-zimovaj kalekcyi «Total look» vykarystała naturalnyja tkaniny i skuru. Jaskravy pradstaŭnik italjanskaj dyzajnierskaj škoły.
Fabryan (Vialikabrytanija). Brend zasnavany dyzajnierkaj-samavučkaj Samantaj-Džiejn Ahbantejen. U tvorčaści madeljerka spałučaje skuru dy ŭschodnija tkaniny. Cikava, što mižnarodnyja pakazy Fabryjan pačała sa značnymi zapasami hatovaj pradukcyi.
Hruziju pradstavili dyzajnier vopratki Cinacin Mahałašvili, dyzajnierka abutku Madonna Characišvili i dyzajnier aksiesuaraŭ Irakli Baksaliani. Asnoŭnaja dumka kalekcyi «U hłybini dušy» – kožnaja žančyna maryć być słabaj i kachanaj, ale časta chavaje heta.
Rasijskaja madeljerka Daša Haŭzier apranaje šmat rasijskich zorak i dobra viadomaja za miežami svajoj krainy. Natchniŭšysia tablicaj Miendzialejeva, Daša Haŭzier stvaryła kalekcyju z nazvaj «Chimija». Na pakazie madeli byli stylizavanyja pad navukovych supracoŭnikaŭ: prybranyja vałasy, minimum kaśmietyki, akulary dy palčatki.
Klaudia Markiewicz (Polšča). U svajoj kalekcyi «Viartańnie da karanioŭ» dyzajnierka abjadnała etna i sučasny jeŭrapiejski vobraz. Takim čynam jana źviartaje ŭvahu na prablemu hłabalizacyi i rostu jaje ŭpłyvu na miascovyja tradycyi ŭ roznych krainach.
Fota pradstaŭlenyja arhanizatarami Biełaruskaha tydnia mody.