Śledčy kamitet kuplaje «ŭzłomščyka» smartfonaŭ
Vyznačany pieramožca tendara Śledčaha kamiteta Biełarusi na zakupku aparatna-prahramnaha kompleksu kapijavańnia infarmacyi z mabilnych pryład. Pratakoł tarhoŭ apublikavany na aficyjnaj placoŭcy dziaržzakupak icetrade.by.
U tarhach udzielničali PHUP «InfaVierytas» i TAA «AjPi TełKom». Padčas tarhoŭ, jakija doŭžylisia bolš za hadzinu, dvoje ŭdzielnikaŭ zrabili bolš za 300 krokaŭ aŭkcyjonu, a cana źniziłasia z pačatkovych 955 młn. rubloŭ amal u paŭtara razu. U vyniku pieramožcam staŭ «AjPi TełKom» z canoj 631 młn. rubloŭ.
Raniej pry abviaščeńni tendara načalnik adździeła infarmacyi i suviaziaŭ z hramadskaściu SK Siarhiej Kabakovič rastłumačyŭ BiełaPAN, što nabyćcio novaha aparatna-prahramnaha kompleksu nieabchodnaje dla zboru dokaznaj bazy ŭ dačynieńni da fihurantaŭ kryminalnych spraŭ. Kanfiskavanyja ŭ adpaviednaści z zakanadaŭstvam u padazronych i abvinavačanych pa kryminalnych spravach pryłady pavinny być ahledžanyja, u tym liku ŭstanoŭlenaje ich źmieściva.
Aparatura takoha kłasa, pavodle słoŭ pradstaŭnika SK, daŭno vykarystoŭvajecca ŭ padraździaleńniach Śledčaha kamiteta pa ŭsioj krainie. Ale nieabchodnaje jaje ŭdaskanaleńnie dla zabieśpiačeńnia efiektyŭnaha rasśledavańnia złačynstvaŭ, źviazanych najpierš ź niezakonnym abarotam narkotykaŭ