Jak maleńkim biełarusam pakazvajuć šviedskuju kłasiku na biełaruskaj movie FOTAREPARTAŽ
U subotu 6 lutaha ŭ kniharni «Halijafy» dla samych maleńkich biełarusaŭ adbyłasia lalečnaja pastanoŭka pa matyvach kazki šviedskaha piśmieńnika Svena Nurdkvista «Petsan i Findus śviatkujuć kalady».
Historyi pra dziadulu Petsana i jahonaje kaciania Findusa, jakija palubilisia maleńkim biełaruskim čytačam i ich baćkam, ciapier znajšli svajo ŭvasableńnie ŭ lalečnym teatry.
Knihi Svena Nurdkvista ŭžo stali kłasikaj šviedskaj litaratury, a jaho niezvyčajnyja ilustracyi, adnačasova nasyčanyja koleram i detalami, pryvablivajuć i dzietak i darosłych.
Kazka «Petsan i Findus śviatkujuć Kalady» pabačyła śviet u admysłova stvoranaj sieryi dla dziaciej «Kalarovy rovar» Biblijateki Sajuza biełaruskich piśmieńnikaŭ u vydaviectvie «Knihazbor».