Sanepid śćviardžaje, što zabrudžanaść atmaśfiery ŭ Minsku źnižajecca
U Minsku adznačajecca tendencyja da źnižeńnia ŭtrymańnia ŭ atmaśfiernym pavietry aksidu vuhlarodu i ćviordych čaścic, paviedamili ŭ sanitarna-epidemijałahičnaj słužbie stalicy.
Pa słovach śpiecyjalistaŭ, na praciahu apošnich hadoŭ zachoŭvajecca stabilna nizkim utrymańnie ŭ atmaśfiernym pavietry dyjaksidu siery, bienzołu, 1,3-butadyjena, ksiłołu. Sumarny pakazčyk zabrudžvańnia atmaśfiernaha pavietra ŭ Minsku adpaviadaje dapuščalnaj stupieni zabrudžvańnia atmaśfiery.
Najbolšaja zabrudžanaść pavietra farmirujecca pablizu mahistralaŭ ź intensiŭnym rucham aŭtatranspartu. U chodzie kantrolu za jakaściu atmaśfiernaha pavietra ŭ studzieni-kastryčniku hetaha hoda sanepidsłužbaj daśledavana bolš za 6,6 tysiač probaŭ pavietra na prymahistralnych terytoryjach i terytoryi žyłoj zabudovy. Dola probaŭ z kancentracyjaj zabrudžvalnych rečyvaŭ vyšejšaj za hranična dapuščalnuju znachodzicca na ŭzroŭni 4,6%, što adpaviadaje anałahičnamu pieryjadu 2014 hoda. U struktury takich probaŭ bolš za 70% prypadała na farmaldehid.
Miž tym nahadajem, što sioleta Minsk i vakolicy nieadnarazova nakryvaŭ smoh. Pach haru i adsutnaść mahčymaści narmalna dychać tłumačylisia «niespryjalnymi mietearałahičnymi ŭmovami».