Jak vyhladaje stvorany pa DNK fotarobat FOTA
Padobna, što technałohija dapamoža pa-novamu šukać złačyncaŭ.
Fotarobat pa DNK Habryel Uestan. Tut i nižej fota: BBC
Biełaruś i Rasija zadumali stvaryć bazu DNK-identyfikacyi hramadzian, na prajekt prapanujecca vydatkavać kala 55,5 młn dalaraŭ.
Baza DNK-źviestak dapamoža siarod inšaha vyznačyć charakternyja rysy źniešnaści i pachodžańnie złačyncy pa potu, ślinie ci inšych śladach na miescy złačynstva, što ŭtrymlivajuć DNK.
Hienietyki zdolnyja na bolšaje: pa DNK možna skłaści detalny fotarobat złačyncy.
Kab paćvierdzić heta, BBC razam z hienietykami-kryminalistami praviała ekśpierymient pa stvareńni fotarobata viadoŭcy prahramy Habryel Uestan. Jaje tvar adnavili pa probie śliny navukoŭcy Levienskaha katalickaha ŭniviersitetu (Bielhija).
Sapraŭdnaje fota Habryel Uestan
Fotarobat, nakładzieny na fota Habryel Uestan
U fotarobacie bahata supała z realnym tvaram «złačyncy»: forma padbarodździa, ščok, vačej, brovaŭ… Ale ŭ fotarobacie nie ŭličany ŭzrost, asablivaści tvaru praz ład žyćcia, charčavańnie i chvaroby, a tym bolš pryčoska ci ślady chirurhičnych apieracyj.
Na siońnia bielhijskija navukoŭcy razhladajuć tolki 20 hienaŭ, adkaznych za rysy tvaru, ale abiacajuć razam z hałandcami i amierykancami davieści hety lik da 200.