Aŭstralijec zajmaŭsia ŭ Minsku suteniorstvam
Abiacaŭ vysokija zarobki.
Biełarusa z aŭstralijskim pašpartam zatrymali ŭ Minsku ŭ kancy 2014 hoda. U 41-hadovaha mužčyny pry sabie znajšli 1,93 hrama kakainu i razavuju dozu hašyšu. Jon raskazaŭ, u kaho nabyŭ narkotyki. Paśla apieratyŭniki spynili kanał pastaŭki narkaty ŭ Biełaruś. U dačynieńni da suajčyńnika śledčyja zaviali kryminalnuju spravu.
Ciapier u Śledčym kamitecie paviedamili, što vyjaviłasia datyčnaść hramadzianina Aŭstralii da złačynstvaŭ u śfiery arhanizacyi pasłuh sieksualnaha charaktaru.
«Abiacajučy vysokija zarobki, złamyśnik ŭhavaryŭ 22-hadovuju minčanku zajmacca prastytucyjaj pad jaho zastupnictvam i kantrolem, klijentaŭ pry hetym šukaŭ vyklučna ź liku svaich znajomych. Dla akazańnia vyšejzhadanych pasłuh sutenior asabista dastaŭlaŭ dziaŭčynu na zdymnyja kvatery ŭ Minsku, a taksama na terytoryju Rasijskaj Fiederacyi», — adznačyli ŭ SK.
Mužčyna zarehistravaŭ ź minčankaj fiktyŭny šlub, kab vyvieźci jaje ŭ Aŭstraliju, dzie jana praciahvała b zajmacca prastytucyjaj pad jaho kantrolem.
Rasśledavańnie praciahvajecca.