Mižpłanietnaja stancyja dalacieła da Cerery
Upieršyniu ŭ čałaviečaj historyi štučny aparat trapiŭ na arbitu karlikavaj płaniety.
«Uschod» na padlocie da Cerery zrabiŭ 19 lutaha 2015 hoda fota płaniety, na jakim bačnyja dźvie tajamničyja biełyja plamy. Fota: NASA
Mižpłanietnaja aŭtamatyčnaja stancyja «Uschod» była zapuščanaja ŭ 2007 hodzie. U 2011-m dasiahnuła asteroida Viesta (druhoje pa pamierach paśla Cerery cieła ŭ asteroidnym pojasie), zatym u 2012-m praciahnuła šlach da Cerery.
«Paćviardžaju: ja na arbicie Cerery», — napisaŭ aparat u svaim tvitary 6 sakavika 2015 hoda.
Cerera znachodzicca ŭ asteroidnym pojasie miž Marsam i Jupitaram. Jana pieršapačatkova ličyłasia asteroidam, ale ŭ 2006 hodzie była adniesienaja da karlikavych płaniet. Cereru i padobnyja da jaje cieły nazyvajuć mahčymymi krynicami vady na Ziamli dy farmavalnikami jaje jadra.