Paleantołahi znajšli reštki staražytnaha čałavieka, jaki žyŭ 2,8 młn hadoŭ tamu
Mižnarodnaja hrupa navukoŭcaŭ znajšła na terytoryi Efiopii reštki staražytnaha pradstaŭnika vidu Homo. Spravazdača ab znachodcy była apublikavanaja ŭ časopisie Science.
Fota: William Kimbel
Paśla vyvučeńnia reštkaŭ, znojdzienych niadaŭna ŭ Afrycy, paleantołahi pryjšli da vysnovy, što sutyknulisia z najstaražytnym pradstaŭnikom čałaviečaha rodu, jaki žyŭ prykładna 2,8 młn hadoŭ tamu.
Reštki byli znojdzienyja na terytoryi nacyjanalnaha parku Avaš u Efiopii. Za apošnija dziesiacihodździ ŭ hetych miescach było zroblena niekalki najvažniejšych adkryćciaŭ, jakija dazvolili pralić śviatło na evalucyju čałavieka. Nahadajem, što ŭ 1974 hodzie niepadalok ad hetaha parku paleantołahi znajšli reštki pramachodziačaha afarskaha aŭstrałapiteka «Lusi», a ŭ 1994 hodzie — jak miarkujecca, prodka čałavieka i aŭstrałapiteka, ardzipiteka.
Znachodka dazvoliła daśledčykam zakryć vialiki histaryčny i evalucyjny prabieł pamiž raspaŭsiudžvańniem apošnich aŭstrałapitekaŭ u Afrycy i źjaŭleńniem pieršych umiełych ludziej.