Mitrapalit Tadevuš Kandrusievič pavinšavaŭ uładyku Fiłareta ź imianinami
14 śniežnia arcybiskup Mitrapalit Minska‑Mahiloŭski skiravaŭ Patryjaršamu Ekzarchu ŭsiaje Biełarusi Mitrapalitu Minskamu i Słuckamu Fiłaretu vinšavańnie ź imianinami.
U pryvatnaści, arcybiskup Tadevuš Kandrusievič piša:
«Z nahody śviatkavańnia Vašych imianinaŭ prymicie maje samyja sardečnyja vinšavańni i najlepšyja pažadańni. Vašyja namahańni, skiravanyja na duchoŭnaje adradžeńnie našaj Baćkaŭščyny, ustalavańnie ŭ joj mira i zhody, a taksama raźvićcio bratniaha dyjałohu ź inšymi vyznańniami zdabyli Vam, jak vydatnamu ijerarchu Pravasłaŭnaj Carkvy, zasłužany aŭtarytet i pavahu. Ad usioj dušy žadaju Vam ščodraha Božaha błahasłaŭleńnia, patrebnych łaskaŭ, mocnaha zdaroŭja i nieabchodnych dla vykanańnia ŭskładzienaj Božym Providam na Vašyja plečy misii daroŭ Najvyšejšaha ŭ hety losavyznačalny dla sučasnaha śvietu čas».