Niehatyŭny kamientar pra mytnika kaštavaŭ žycharu Hrodna 3 młn rubloŭ
Mužčyna, jaki pakinuŭ u Internecie niehatyŭny kamientar na mytnika, u jakaści adkupleńnia viny addaŭ 3 młn hubloŭ na dabračynnaść, paviedamlaje pres-słužba DMK.
Karystalnik pad imiem Yunek pakinuŭ abraźlivy kamientar na adras načalnika AMAiK №2 MP «Bruzhi» pad artykułam «Kanflikt na miažy: hrodzieniec viartaŭsia z polskaj Ikea z pakupkami i miarkuje, što mytniki niezakonna ŭziali ź jaho hrošy», jaki byŭ apublikavany na adnym z błohaŭ horada Hrodna.
Pravaachoŭniki vyśvietlili, što pad psieŭdanimam Yunek zarehistravany žychar Hrodna.
U jaho dziejańniach ŭhledžvalisia prykmiety składu złačynstva, praduhledžanaha art. 189 KK Biełarusi (abraza). Supracoŭnik mytni padaŭ zajavu ŭ sud Kastryčnickaha rajona h. Hrodna ab zaviadzieńni kryminalnaj spravy ŭ dačynieńni da kryŭdziciela. U chodzie razboru žychar Hrodna całkam pryznaŭ svaju vinu i raskajaŭsia.
U jakaści kampiensacyi maralnaj škody adkazčyk vypłaciŭ 3 młn rubloŭ, jakija pieraličyŭ na rachunki Biełaruskaha dziciačaha chośpisa i Mižnarodnaje dabračynnaje HA «JuniChiełp». Akramia taho kryŭdziciel raźmiaściŭ aficyjnaje prabačeńnie ŭ haziecie «Viečiernij Hrodno».
Kryminalnaja sprava była spyniena z pryčyny prymireńnia bakoŭ.