Minekanomiki: nasielnictva Biełarusi budzie pavialičvacca da 2022 hoda
Biełstat apublikavaŭ prahnoz Navukova-daśledčaha ekanamičnaha instytuta Ministerstva ekanomiki nakont kolkaści nasielnictva krainy.
Pavodle hetych padlikaŭ, na praciahu bližejšych vaśmi hadoŭ kolkaść biełarusaŭ budzie stabilna raści.
Spačatku pryrost budzie składać kala 6 tysiač čałaviek na hod, ale paśla zamarudzicca. U 2022 pačniecca źmianšeńnie. U vyniku da 2036 hoda (apošni hod prahnozu) nasielnictva skarocicca da 9 425 668 čałaviek.
| hod | nasielnictva |
| 2014 | 9 468 154 |
| 2015 | 9 474 435 |
| 2016 | 9 480 954 |
| 2017 | 9 486 368 |
| 2018 | 9 490 766 |
| 2019 | 9 494 244 |
| 2020 | 9 496 852 |
| 2021 | 9 498 657 |
| 2022 | 9 498 882 |
| 2023 | 9 497 615 |
Cikavy i prahnoz nakont Minska. Na dadzieny momant nasielnictva stalicy składaje 1 930 tysiač čałaviek. Pavodle padlikaŭ daśledčykaŭ, užo ŭ 2017 hodzie kolkaść žycharoŭ horada pieravalić za 2 miljony. A da 2036 hoda minčukoŭ paboleje da 2,18 miljona čałaviek.