Мінэканомікі: насельніцтва Беларусі будзе павялічвацца да 2022 года
Белстат апублікаваў прагноз Навукова-даследчага эканамічнага інстытута Міністэрства эканомікі наконт колькасці насельніцтва краіны.
Паводле гэтых падлікаў, на працягу бліжэйшых васьмі гадоў колькасць беларусаў будзе стабільна расці.
Спачатку прырост будзе складаць каля 6 тысяч чалавек на год, але пасля замарудзіцца. У 2022 пачнецца змяншэнне. У выніку да 2036 года (апошні год прагнозу) насельніцтва скароціцца да 9 425 668 чалавек.
| год | насельніцтва |
| 2014 | 9 468 154 |
| 2015 | 9 474 435 |
| 2016 | 9 480 954 |
| 2017 | 9 486 368 |
| 2018 | 9 490 766 |
| 2019 | 9 494 244 |
| 2020 | 9 496 852 |
| 2021 | 9 498 657 |
| 2022 | 9 498 882 |
| 2023 | 9 497 615 |
Цікавы і прагноз наконт Мінска. На дадзены момант насельніцтва сталіцы складае 1 930 тысяч чалавек. Паводле падлікаў даследчыкаў, ужо ў 2017 годзе колькасць жыхароў горада пераваліць за 2 мільёны. А да 2036 года мінчукоў паболее да 2,18 мільёна чалавек.