Parašenka pravioŭ telefonnyja razmovy z Barakam Abamam i Džozefam Bajdenam
Prezident Ukrainy Piotr Parašenka pravioŭ telefonnyja razmovy z prezidentam ZŠA Barakam Abamam i vice-prezidentam ZŠA Džozefam Bajdenam.
Pierad tym u jaho taksama adbylisia hutarki pa telefonie z premjer-ministrami Niderłandaŭ i Małajzii.
Parašenka zaprasiŭ śpiecyjalistaŭ z hetych krain, a taksama ekśpiertaŭ ICAO da poŭnamaštabnaha rasśledavańni abstavinaŭ trahiedyi.
Abama zajaviŭ, što hetaja trahiedyja šakavała ŭvieś śviet, i pryvitaŭ hatoŭnaść Ukrainy pravieści maksimalna prazrystaje mižnarodnaje rasśledavańnie pryčyn i akaličnaściaŭ trahiedyi.
U svaju čarhu, Džozef Bajden zajaviŭ, što zaklik da mižnarodnaha rasśledavańnia źjaŭlajecca mudrym rašeńniem i Złučanyja Štaty razhledziać mahčymaść nakiravać amierykanskich ekśpiertaŭ z Savieta Nacyjanalnaj transpartnaj biaśpieki ZŠA.