Płošču la ambasady KNR u Vašynhtonie chočuć nazvać u honar kitajskaha dysidenta
Amierykanskija zakanadaŭcy prapanavali prysvoić płoščy imia kitajskaha pravaabaroncy Lu Siaabo.
Dysident adbyvaje ŭ siabie na radzimie turemnaje źniavoleńnie za «padbuchtorvańnie da padryvu dziaržaŭnaha ładu».
Adpaviednaja inicyjatyva była adobranaja na pasiadžeńni kamiteta pa asihnavańni Pałaty pradstaŭnikoŭ Kanhresa ZŠA, jak pieradaje ITAR-TASS. Dla ŭstupleńnia ŭ siłu nieabchodna adabreńnie novaŭviadzieńnia poŭnym składam Pałaty pradstaŭnikoŭ, Sienatam i administracyjaj Baraka Abamy.
Prysvajeńnie płoščy imia pravaabaroncy, chutčej za ŭsio, vykliča pratesty z boku aficyjnaha Piekina. Takaja reakcyja całkam čakanaja, uličvajučy toj fakt, što try z pałovaj hady tamu KNR prypyniła ŭradavyja kantakty z Narviehijaj z-za rašeńni narviežskaha Nobieleŭskaha kamiteta prysudzić dysidentu Siaabo premiju miru ŭ 2010 hodzie «za jaho doŭhuju i niehvałtoŭnuju baraćbu za asnoŭnyja pravy čałavieka ŭ Kitai», piša NEWSru.com.
Kitajski pravaabaronca ŭ śniežni 2009 hoda byŭ asudžany na 11 hadoŭ turemnaha źniavoleńnia ŭ KNR. Pavodle aficyjnych paviedamleńniaŭ, Siaabo abvinavačvaŭsia ŭ «raspaŭsiudzie antyŭradavych čutak» i «arhanizacyi dziejnaści, nakiravanaj na źviaržeńnie ciapierašniaha ŭrada».
Heta ŭžo nie pieršy vypadak u historyi amierykanskaj stalicy, kali palityka ŭmiešvajecca ŭ tapanimiku i haradskija vulicy atrymlivajuć imiony tych ci inšych hramadskich dziejačaŭ.
Naprykład, u 1980-ja hady ŭłady ZŠA nazvali nievialikuju płošču pierad byłoj ambasadaj SSSR u Vašynhtonie imiem vydatnaha vučonaha i pravaabaroncy Andreja Sacharava, jaki tady ličyŭsia savieckimi ŭładami dysidentam.
Zaraz u hetym budynku znachodzicca rezidencyja rasijskaha pasła, a asbasada RF z tych časoŭ pierajechała ŭ vialiki kompleks u inšym rajonie.