Dziaržsakratar ZŠA niečakana prybyŭ u Bahdad
Dziaržsakratar ZŠA Džon Kiery prybyŭ z zahadzia nie abvieščanym vizitam u Bahdad.
U prahramie vizitu — sustreča z premjer-ministram Nury Maliki i inšymi palityčnymi lidarami krainy na fonie bieśpierapynnych napadaŭ z boku sunickich bajevikoŭ.
U pačatku červienia bajeviki z hrupoŭki «Isłamskaj dziaržavy Iraka i Levanta» (IDIŁ) zachapili druhi pa vieličyni horad Iraka Masuł i ciapier kantralujuć značnuju častku irakskaj terytoryi.
Ułady Iraka damahajucca ad ZŠA, Jeŭropy i AAN nieadkładnych mier pa pieraadoleńni kryzisu, uklučajučy ŭdary z pavietra.
Raniej, vystupajučy ŭ Kairy, dziaržsakratar ZŠA Džon Kiery zajaviŭ, što «ideałohija hvałtu IDIŁ pahražaje nie tolki Iraku, ale i ŭsiamu rehijonu».