Дзяржсакратар ЗША нечакана прыбыў у Багдад
Дзяржсакратар ЗША Джон Керы прыбыў з загадзя не абвешчаным візітам у Багдад.
У праграме візіту — сустрэча з прэм'ер-міністрам Нуры Малікі і іншымі палітычнымі лідарамі краіны на фоне бесперапынных нападаў з боку суніцкіх баевікоў.
У пачатку чэрвеня баевікі з групоўкі «Ісламскай дзяржавы Ірака і Леванта» (ІДІЛ) захапілі другі па велічыні горад Ірака Масул і цяпер кантралююць значную частку іракскай тэрыторыі.
Улады Ірака дамагаюцца ад ЗША, Еўропы і ААН неадкладных мер па пераадоленні крызісу, уключаючы ўдары з паветра.
Раней, выступаючы ў Каіры, дзяржсакратар ЗША Джон Керы заявіў, што «ідэалогія гвалту ІДІЛ пагражае не толькі Іраку, але і ўсяму рэгіёну».