Samsung pradstaviła smartfon Galaxy S III Neo
Na sajcie niamieckaha pradstaŭnictva Samsung źjavilisia źviestki pra novy smartfon — Galaxy S III Neo.
Pryłada ź indeksam I9301I adroźnivajecca ad madeli I9300I, pradstaŭlenaj u traŭni na indyjskim rynku, bolš mahutnym pracesaram i prysutnaściu adnaho słota dla SIM-kart.
Samsung I9301I Galaxy S III Neo kamplektujecca 4,8-calevym dysplejem Super AMOLED z razroznaściu 1280 ch 720 piksielaŭ (HD), čatyrochjadravym pracesaram z taktavaj častatoj 1,4 Hhc, 8-miehapiksielaŭ ličbavaj kamieraj, a taksama 1,5 Hbajt apieratyŭnaj i 16 Hbajt pastajannaj pamiaci, jakaja pašyrajecca pry dapamozie źmiennych fłeš-nośbitaŭ, piša dailycomm.ru.
Siłkujecca hadžet ad akumulatarnaj batarei jomistaściu 2100 mAč. Za ŭsio, što źviazana z prahramnym zabieśpiačeńniem adkazvaje apieracyjnaja sistema Android 4.4.2 KitKat ź firmovym karystackim interfiejsam TouchWiz UX i funkcyjaj abarony karparatyŭnych dadzienych Knox.
U Hiermanii smartfon Samsung Galaxy S III Neo pradajecca pa košcie 270 jeŭra. Aparat dastupny ŭ błakitnym i biełym kolerach korpusa. Pra dastupnaść navinki ŭ inšych krainach na dadzieny momant nieviadoma.
Madyfikacyja I9300I Galaxy S III Neo vałodaje tymi ž charaktarystykami, što i apisanaja vyšej madel, ale adroźnivajecca 1,2-Hhc čypam z čatyrma jadrami i mahčymaściu ŭstaloŭki dvuch SIM-kart adnačasova.