Nieviadomyja sprabavali šturmavać Danieckuju teleradyjokampaniju, stralali z aŭtamataŭ
Nieviadomyja raspačali sprobu šturmu Danieckaj abłasnoj dziaržaŭnaj teleradyjokampanii. Da prachadnoj padjechaŭ aŭtamabil. Ź jaho vyjšli ludzi, jakija z metaj zastrašvańnia adkryli aŭtamatny ahoń.
Na streły vyjšli ŭzbrojenyja supracoŭniki milicejskaha śpiecpadraździaleńnia ŭ poŭnaj ekipiroŭcy. Miarkujučy pa ŭsim, napadniki nie čakali, što abjekt, jaki zvyčajna achoŭvajecca vachciorami-babulkami, hetym razam byŭ zabiaśpiečany achovaj milicyi.
U vyniku nieviadomyja admovilisia ad šturmu teleradyjokampanii, pahruzilisia ŭ mašynu i źjechali.
Kiraŭnictva DanADTRK prapanavała svaim supracoŭnikam pakinuć svaje pracoŭnyja miescy — usie, chto nie zadziejničany ŭ žyćciezabieśpiačeńni teleradyjokampanii, byli vyviedzienyja.