Невядомыя спрабавалі штурмаваць Данецкую тэлерадыёкампанію, стралялі з аўтаматаў
Невядомыя распачалі спробу штурму Данецкай абласной дзяржаўнай тэлерадыёкампаніі. Да прахадной пад'ехаў аўтамабіль. З яго выйшлі людзі, якія з мэтай застрашвання адкрылі аўтаматны агонь.
На стрэлы выйшлі ўзброеныя супрацоўнікі міліцэйскага спецпадраздзялення ў поўнай экіпіроўцы. Мяркуючы па ўсім, нападнікі не чакалі, што аб'ект, які звычайна ахоўваецца вахцёрамі-бабулькамі, гэтым разам быў забяспечаны аховай міліцыі.
У выніку невядомыя адмовіліся ад штурму тэлерадыёкампаніі, пагрузіліся ў машыну і з'ехалі.
Кіраўніцтва ДанАДТРК прапанавала сваім супрацоўнікам пакінуць свае працоўныя месцы — усе, хто не задзейнічаны ў жыццезабеспячэнні тэлерадыёкампаніі, былі выведзеныя.